ሚኒስተር ዕዮ ኤቫ ኖርድማርክ ኩሉ ጻዕርታታ ነቲ ቤትጽሕፈት ዕዮ ንምጽጋን ከም እትገብሮ ሓቢራ። ንሳ ነቲ ናይ ዕዮ ኣገልግሎት ኣብ መላእ ሃገር 132 ኣብያተጽሕፈት ኪዓጹ ምውጣኑ ነቒፋ። ንሳ ኣብ ዝሓለፈ ሓሙስ፡ ነቲ እቲ መንግስቲ ንምግዳብ ስግኣታት ቤትጽሕፈት ዕዮ ዘውጽኦ ውጥን ኣቕሪባቶ፡ እዚ ድማ 900 ሚልዮን ክሩነር ኣብቲ ናይ ዚመጽእ ዓመት ባጀት ከም ዘይጠፍእ የውሕስ።
ኣብ ዝሓለፈ ግንቦት፡ ናይቲ ኣገልግሎት ስራሕ ቦርድ ዳይረክተራት ኣብ መላእ ሃገር 132 ኣብያተጽሕፈት ኪዓጽዉ ከም ዝወሰኑ፡ እዚ ድማ ኣብ ሰራሕተኛታት ስግኣትን ሕማቕ ስምዒትን ከም ዝፈጠረ ተፈሊጡ። ንሳ፡ ቅድሚ ሚኒስተር ምዃን ነቲ ውሳነ ከም ዝተቓወመቶ ሓቢራ። ሳዕቤን ምዕጻዉ ሕጂ ንርእዮ ኣሎና፡ ድማ ኢላ። ነቶም ኣብያተጽሕፈት ምዕጻው ብዚምልከት፡ ንሳ ገለ ካባታቶም ከም ዘይዕጸዉ ሓቢራ። ቤትጽሕፈት ዕዮ 10 ሽሕ ሰራሕተኛታት ዘለዉዎ ዓቢ ትካል እዩ፡ ስለዚ ነተን ኣብ መላእ ሃገር ዘለዋ ዞባውያን ኣብያተጽሕፈት ምብርባር ኣገዳሲ እዩ፡ ትብል።
