ሎሚ ኣብ ሽወደን ምርጫ እንተዝካየድ ሰልፊ ስቫርያ ዲሞክራትና (SD) ዝያዳ ምኸሰበ ትብል ነዚ ዝምልከት ብጋዜጣ ዳገንስ ንሄተር ምስ ትካል Ipsos ኣብ ዝተኻየደ መጽናዕቲ። ኣብዚ ዝተካየደ መጽናዕቲ ዝተሳተፉ ሰባት ኣብ ብዝሃብዎ ድምጺ ስቫርያ ዲሞክራትና (SD) 23 ሚእታዊት ብምርካብ ቀንዲ ተወዳዳሪ ነቲ 24 ሚእትዊት ብ ቀዳማይ ሚንስተር ሎፈን ዝምራሕ ሰልፊ ሶሻል ዲሞክራት (S) ኮይኑ።

በዚ ናይ መጽናዕቲ ውጺኢት ዘተባብዕ ሰልፊ ስቫርያ ዲሞክራትና (SD) ኣብ ዝሃቦ ሓቤረታ ሰልፍና ኣብ ዝመጽዕ ናይ ምርጫ ግዜ ኣዚና ከም ንዓቢ ርግጸኛ እየ ክብል ሪቻርድ ዮምሾፍ ኣብል ስቫርያ ዲሞክራትና ተዛሪቡ። ብኻልእ ወገን መራሒ ሰልፊ ሶሻል ዲሞክራት ቀዳማይ ሚኒስተር  ስቴፈን ሎፈን ነዚ ውጽኢት ከምዘይ ኣምኖን ኣብቲ ምርጫ ዝካየደሉ ግዜ ሰባት ሓሳቦም ክቕይሩ ይኽእሉ እዮም ክብል በዚ ዝተኻየድ መጽናዕቲ ከምዘይሻቀል ገሊጹ።

ኣብ ዝሓለፈ ዓመት ኣብ ዝተኻየደ ተመሳሳሊ መጽናዕቲ ሰልፊ ሶሻል ዲሞክራት 28 ሚእትዊት ከምእውን ስቫርያ ዲሞክራትና ብ 17፣5 ሚእትዊት ብምረካብ ድሕሪ ሰልፊ ሞደርተርና ብምስራዕ ናይ ሳልሳይ ደረጃ ከምዝሓዘ ይዝከር።