ሃገረ ኖርወይ፡ ንራብዓይ መድረኽ ምፍኳስ ቀይድታት ኮሮና፡ ብሰንኪ ብደልታ ዝተባህለ ሓድሽ ጅር ኮሮና ዝተኸስተ ምስፍሕፋሕ ለበዳ፡ ክሳብ መወዳእታ ናይዚ ወርሒ ወይ ድማ ኣብ መጀመርታ ናይ ወርሒ ነሓሰ፡ ንኽትግበር ከምዝወሰነት ቀዳመይቲ ሚኒስተር’ታ ሃገር፡ ኤርና ሶልበሪ፡ ሓቢራ ክብል ማዕከን ዜና ተተ ኣቃሊሑ።
በዚ ሓድሽ ጅር ዝኽሰቱ ኩነታት ንምዕዛብን ንምግምጋም ተባሂሉ፡ እቲ መደብ ንተወሰኽቲ ሳምንታት ተመጢጡ ከምዘሎ፡ ሶልበሪ፡ ብምውሳኽ ሓቢራ።
ክሳብ ሕጂ ዘሎ ኩነታት፡ ኣወንታዊ እዩ ዝበለት፡ ሶልበሪ፡ ንሆስፒታላት ዝኣትዉ ቁጽሪ ሕሙማት ውሑድ ከምዘሎን ክሳብ 65% ካብ ልዕሊ ዕድመ ዝኾኑ ዜጋታት፡ እንተወሓደ ሓደ እብረ ክታበት ዝተኸትቡ እዮም ኢላ።
