ሃገረ ቤልጅም፡ ክታበት ጀንሰን፡ ንትሕቲ 41 ዓመት ዝዕድሚኦም ሰባት፡ ንግዚኡ ከም ዘቋሪጸት ሓቢራ ክብል ማዕከን ዜና ተተ ኣቃሊሑ።
ሃገረ ቤልጅም ፡ ነዚ ውሳነ ዝወሰነት፡ ብዕለት 21 ግንቦት፡ ሓንቲ ትሕቲ 40 ዓመት ዝዕድሚኣ ጓል ኣንስተይቲ፡ ክታበት ጀንሰን ተኸቲባ ናይ ደም ምርጋአ ምልክታት ኣረኢያ ሆስቢታል ኣትያ ድሕሪ ምሟታ ምዃኑ ተፋሊጡ።
አዚ ተመሓላሊፉ ዘሎ ዉሳነ፡ ኤዉሮፓዊ በዓል መዚ መድሃኒት፡ ብጉዳይ አዚ ክታበት ኣመልኪቱ፡ ጽጹይ ዝኾነ መጽናዕቲ ክሳብ ዘካይድ ክጸንሕ ምዃኑ፡ ቤልጅም ኣፍሊጣ።
ክሳብ ሕጂ፡ ሃገረ ቤልጅም፡ ንልዕሊ 40 ሽሕ ካብ ዜጋታታ፡ ክታበት ጀንሰን ከም ዝኸተበት፡ 80% ካብዚኣቶም ድማ ልዕሊ 40 ዓመት ዝዕድሚኦም ምዃኖም ጸብጻባት በዓል መዚ ጥዕና’ታ ሃገር ይሕብሩ።
