ትማሊ ሰንበት ድሕሪ ቀትሪ፡ ፖሊስ ሃልምስታድ፡ ቶኽሲ ናይ ምልውዋጥ ምልክታት ረኺቡ። ኣብ ውሽጢ ክልተ መካይን ዝነበሩ ሰባት ካብን ናብን እተን መካይን ቶኽሲ ይለዋዋጡ ከምዝነበሩን ድሑሩ እተን መካይን ካብቲ ቦታ ከምዝጠፋኣን እንታይ ምስ ኣጋጠመ እቲ ኩነታት ናብ ናይ ቶኽሲ ምልውዋጥ ፍጻሜ ከምዝበጸሐን ግን ዝፍለጥ ነገር ከምዘየለ ጋዜጣ ሃላንድስ-ፖስተን ጽሒፉ።
ፖሊስ’ቲ ከባቢ ብብረት ዝድህስሱ ኣኽላባት ጌሩ ተፍቲሽ ከምዘካየደን፡ ንናይ ዓይኒ መሰኻኽር ዝኾኑ ሰባት ከም ዘዛራረበን ተፈሊጡ።
ብዛዕባ’ቲ ዝተፈጸመ ምልውዋጥ ቶኽሲ ገለ ኣንፈት ረኺብና ኣለና እንተኾነ ግን ጥርጡር ይኹን ኣብ ትሕቲ ቀይዲ ዝኣተወ ሰብ የለን ክብል ሓላፊ ፖሊስ፡ ዮሃን ኤሪክሰን፡ ንጋዜጣ ሓቢሩ።
