ጸጥታዊ ኲነታት ክሳብ ክንደይ ጽንኲር ምዃኑ ህዝቢ ሽወደን ክግንዘብ ይግባእ ተባሂሉ።

ህሉው ጸጥታዊ ኲነታት ከባቢና ክሳብ ክንደይ ኣተሓሳሳቢ ምዃኑ ህዝቢ ሽወደን ክግብንዘብ ይግባእ ክብል፡ ቀዳማይ ሚኒስተር ኡልፍ ክሪስተርሰን፡ ብሰሉስ ኣብ ዝተገብረ ጋዜጣዊ ዋዕላ ገሊጹ። ሽወደን ኣብ መስርሕ ኣባልነት ኔቶ ገለ ብድሆ ዘለወን መዓልታት ድሕሪ ምሕላፋ እዩ እዚ ሚኒስተር ጒዳያት ወጻኢን ምክልኻልን ዝተረኽብዎ ጋዜጣዊ ዋዕላ ተጌሩ ዘሎ፡።

ወራር ሩስያ ኣብ ልዕሊ ዩክሬይን ዘኸተሎ ጸጥታዊ ኲነታት ብዕቱብነት ክረአ ከም ዝግብኦ ዝገለጸ ክሪስተርሰን፡  እዚ ወራር ድሕሪ ካልኣይ ኲናት ዓለም እቲ ዝኸፍአ ጸጥታዊ ስግኣት ምዃኑ ኣብቲ ዋዕላ ኣስሚሩሉ’ሎ።