ኢማም ጋና: ሼኽ ዑስማን ሻብሩቱ: ንህንጸት ሃገራዊ ካቴድራል ዝውዕል ልዕሊ 8000 ዶላር ከም ዘበርከቱ ተገሊጹ።
ጋና ክልቲኡ ሃይማኖታት ብስኒት ዝነብሩላ ሃገር እያ። ይዂንምበር ክንድዚ ዝኣክል ደገፍ ብሓደ ኢማም ክግበር ፍልይ ዝበለ ክስተት እዩ።
102 ዝዕድሜኡ ኢማም ዑስማን: ነዚ ወፈያ ዝገበረሉ ምኽንያት እቲ ኣብ መንጎ ክልቲኡ ሃይማኖታት ዝጸንሐ ምዉቕ ስኒት በርቲዑ ክቕጽል ካብ ዘለዎ ድሌት ምዃኑ ገሊጹ’ሎ። ንሱ ኣብታ ውሕድ ዝበሉ ኣስላም ዘለዉዋ ሃገረ ጋና ከም ኣቦ ሰላም ክዝከር ከም ዝደሊ ሓቢሩ።
ክልተ ዓመታት ይገብር ኢማም ዑስማን ኣብ በዓል ፋስጋ ካቶሊክ ተሳቲፉ ከም ዝነበረ ጸብጻባት የመልክቱ።
እዚ ኣብ 2024 ህንጸቱ ክውዳእ እዩ ተባሂሉ ትጽቢት ተጌርሉ ዘሎ ካቴድራል: ኣብ ውሽጡ ቤተመዘክር መጽሓፍ ቅዱስን 5000 ሰባት ኮፍ ዘብል ኣዳራሽን ክህልዎ እዩ።
