ድሕሪ ለበዳ ኣብያተ ክርስትያናት ሽወደን ልሙድ ኣገልግሎት ይህባ ኣለዋ።

ኮቪድ-19 ደጊም ብወግዒ ንሕብረተሰብ ዘስግእ ሕማም ኣይኮነን ተባሂሉ ተነቢሩ ዝጸንሐ ሕጊታት ድሕሪ ምልዓሉ ህይወት ናብ ንቡር ትምለስ ምህላዋ፡ ከም መርኣያ ናይዚ ድማ ድሕሪ ለበዳ ኣብያተ ክርስትያናት ሽወደን ኣብ እዋን በዓል ፋስጋ ልሙድ ኣገልግሎት ይህባ ምህላወን ሬድዮ ሽወደ ጸብጺባ። ቤተክርስትያን ሉተራንን ካቶሊክን ነታ ሬድዮ ኣብ ዝሃብዎ ቃል ካብቲ ለበዳ ዘድሊ ምህሮ ምውሳደንን እቲ ኣገልግሎት ቅድሚቲ ምልዓል ለበዳ ናብ ዝነበሮ ምምላሱን ገሊጸን ኣለዋ።

“ኲሉ ኣገግሎታትና ብ ዲጂታላዊ መራኸቢ ኣቢልና ናብ መርበብ ሓበሬታን ማሕበራዊ ሚድያን ክንዝርግሖ ኢና” ክብል ኣብ ደሴት ጉትላንድ ኣብ እትርከብ ካቴድራል ቪስቢ ሓላፊ መራኸቢታት ሉተራዊት ቤተክርስትያን ሽወደን ማትያስ ዋልግረን ገሊጹ’ሎ።