ዳኛ: ንሕቶ ትራምፕ ነጺግዎ

ዕግርግር ካፒቶል ንምምርማር ዝቖመት ሽማግለ ባይቶ: ኣብ ዋይት ሃውስ ንዘሎ ሰነዳት ፕረዚደንት ኣመሪካ ነበር ዶናልድ ትራምፕ ንኽትርኢ ዳኛ ምሉእ ፍቓድ ሂቡ።

ትራምፕ ፕረዚደንታዊ ሰነዳት ከይትንከፉ ንዝድንግግ ሓላፋታት ብምልዓል ነብሱ ክከላኸል ምፍታኑ ጽብጻብ ቢቢሲ ኣመልኪቱ።

ትራምፕ ብዛዕባቲ ዕግርግር ኣቐዲሙ ይፈልጥ ኔሩዶ ኣይነበረን ንምፍላጥ እቲ መርመራ ይካየድ ምህላዉ እቲ ዜና ወሲኹ ኣመልኪቱ።

ብ 6 ጥሪ ባይቶ ኣመሪካ ንዓወት ምርጫ ጆ ባይደን ኣብ ምርግጋጽ ተጸሚዱ እናህለወ ደገፍቲ ትራምፕ ንህንጻ ካፒቶል ብናዕቢ ምእታዎም ዝፍለጥ እዩ።

ዶናልድ ትርማፕ: ነቲ ዝሓለፈ ዓመት ዝተገብረ ምርጫ ከም እተጨውየ ብምግላጽ ነቲ ውጽኢት ምቕባል ኣብዩ ኔሩ እዩ።

እዛ መርማሪት ሽማግለ: ብኣባላት ሰልፊ ዴሞክራትስ እትዕብለል ኮይና ብኮሚተ ወከልቲ ህዝቢ ዝቖመት እያ ተባሂሉ’ሎ።