ዛምቢያ . . . 16 ሕጹያት፡ ንፕረዚደንትነት ይወዳደሩ

ዜጋታት ዛምብያ፡ ሓድሽ ፕረዚደንት ሃገሮም ንክመርጹ፡ ናብ ነቚጣታት ምርጫ ብምውሓዝ፡ ነዊሕ መስርዕ ሒዞም ምህላዎም ተገሊጹ ክብል ማዕከን ዜና ተተ ገሊጹ ።

ስልጣን ፕረዚደንትነት ንምሓዝ፡ 16 ሕጹያት ተወዳደርቲ ቀሪቦም እኳ እንተሃለዉ እቲ ናይ መወዳእታ ቅልስ፡ ኣብ መንጐ ኤድጋር ሉጉንን ደገፍ ናይ 10 ሰልፍታት ዘለዎ ሃብታም ነጋዳይ ሃካዪንደ ሂቺለማን ከም ዝኸውን ተሓቢሩ።

ኣብዚ ዝካየድ ዘሎ ናይ ምርጫ ጎስጓስ፡ ለበዳ ኮሮናን ንሱ ሒዝዎ ዝመጸ ቊጠባዊ ቅልውላውን ከም ቀንዲ መካትዒ ኣርእስታት ኮይኖም ከምዘለዉ ጸብጻባት የመልክቱ። ካልኣይ ምርጫ መታን ከይካየድ ሕጹይ ንኽዕወት ልዕሊ 50% ካብ ኣድመጽቲ ክመርጽዎ ከምዘለዎ፡ ኣብ ሕጊ ተቐሚጡ’ሎ።

ዛምቢያ፡ ድሕሪ ኮንጎ ኪንሻሳ ኣብ ኣፍሪቃ ካልአይቲ ዝዓበየት ኣፍራዪት ማዕድን ነሓስ ምዃና ይፍለጥ።