ውድብ ጥዕና ዓለም፡ ቀዳማይ እብረ ክታበት ልዕሊ ሳልሳይ እብረ ቀዳምነት ክወሃቦ ይግባእ ይብል

ኣንጻር ለበዳ ኮቪድ፡ ቃልስና ንኽንቅጽል፡ ብመጀምርታ፡ እቶም ዘይተኸትቡ ሰባት ቀዳማይ እብረ ክታበቶም ከምዝረኽቡ ከነረጋግጽ ይግባእ ክብል ውድብ ጥዕና ዓለም ገሊጹ ክብል ማዕከን ዜና ተተ ሓቢሩ።

ቅድሚ ብዛዕባ ሳልሳይ እብረ ክታበት ምሕሳብና፡ ብመጀምርታ፡ እቶም ዘይተኸትቡ ሰባት፡ ቀዳማይ እብረ ክታበት ንኽረኽቡ ከነውሕስ ይግባእ ክብል ኣብ ውድብ ጥዕና ዓለም፡ ዳይሬክተር ህጹጽ ምድላዋት፡ ማይክ ራያን፡ ገሊጹ።

ከምዚ ንርእዮ ዘለና፡ ጅር ኦሚክሮን፡ ነቲ ኣቐዲሙ ዝነበረ ጅር ደልታ ዓብሊሉ፡ ክትከኦ ምዃኑ ዘጠራጥር ኣይኮነን፡ እንተኾነ፡ ኩለን መንግስታት ዓለምና፡ ኣብቶም መሰረታውያን ለበዳ ናይ ምክልኻል ኣገባባት፡ ማስክ ምኽዳን፡ ርሕቀትካ ምሕላውን ሆስፒታላት ድሉዋት ምግባርን ዝኣመስሉ ንጥፈታት ከተኩሩ ከምዝግባእ፡ ራያን፡ ኣዘኻኺሩ።