ካብ ካፍተርያ ኣብያተ ትምህርቲ ሽወደን 60 ቶን ዝግመት ተረፈ መግቢ ከም ዝጐሓፍ ተፈሊጡ።

ብመሰረት ኤጀንሲ መግቢ ሽወደን ነፍሲ ወከፍ ተመሃራይ ብማእከላይ ገምጋም 10 ኪሎ ተረፈ መግቢ ከም ዝጒሕፍ ድማ ተፈሊጡ። እዚ ተረፈ መግቢ ክሳብ ሕጂ ይምዝገብ ከም ዘይነበረን ኤጀንሲ መግቢ ኣብ ኣብያተ ትምህርቲ ቆልዑን ኣብያተ ሽማግለታትን ዳህሳስ ክግበር ከም ዝገበረ ተገሊጹ።

ኣብ ኣብያተ ትምህርቲ ሽወደን ቈልዑ ብናጻ መግቢ ከም ዝረኽቡን ሽወደን ሸቶታት ውሕሃ 2030 ከተዕውት እንተኾይና ግና ብዙሕ ክስራሕ ከም ዝግባእ ነቲ ዳህሳስ ኤጀንሲ መግቢ ኣብ ምክያድ እትነጥፍ ካሪን ፍሪዝ ገሊጻ። ብዙሕ መግቢ እዩ ዝጐሓፍ ዘሎ፡ ብመብጽር ማልን ጥዕና ከባቢን እንክረአ ድማ ዓቢ ጒድኣት እዩ ኢላ።