ኪንግ ሄራልድ፡ ኣብ ውድድር ጃላቡ ዓለም ኣብ ቀዳሞት ዓሰርተ ተዓወትቲ ተሰሪዑ።

ብቐዳም ኣብ ዝተኻየደ ውድድር ጀላቡ፡ ኪንድ ሄራልድ ከምኡውን ክሩው ናይታ 8 ሜትሮ ዝንውሓታ ጃልባ “ሲራ”መበል 10ይ ደረጃ ሒዞም። 85 ዝዕድሜኡ ኪንግ፡ ሕጂ’ውን ናይ ምጅላብ ክእለቱ ዝለዓለ ምህላዉ ኣረጋጊጹ’ሎ።

ጃልባ ኪንግ፡ ኣብ ጀነቫ ቅድሚ መወዳእታ መዓልቲ ውድድር ኣብ መበል 13 ደረጃ ምንባራ፡ ደሓር ግና 5ይን 7ይን ደረጃ ብምጭባጥ፡ ብጠቕላላ ውጽኢት ካብ 24 ጀላቡ ኣብ መበል 10ይ ደረጃ ምውድኣን፡ ኪንግ ብክእለቱ ከም እተሞገሰን ተፈሊጡ።

“ዕድሜኡ ሽማግለ ክንሱ ምስ መንእሰያት ተጋጢሙ ብኸምዚ ምዕዋቱ ምርኣይ ዘሐጒስ እዩ። ናይ ህልኽ መንፈሱ ዘገርም እዩ” ክብል ሓላፊ እቲ ፍጻመ ጂን ኦሊቨር ከር ን ማዕከን ዜና ኖርወይ ገሊጹ’ሎ።

ካልአይቲ ጃልባ ኖርወይ ኦን ክኑትሰን መበል 14 ደረጃ ሒዛ ወዲኣ’ላ።