እስራኤል፡ ብምኽንያት ሓድሽ ጅር፡ ኦሚክሮን፡ ወጻእተኛታት ናብ ሃገራ ከይኣትዉዋ ኣጊዳ

ብምኽንያት ምኽሳት ሓድሽ ጅር ቫይረስ ኮሮና፡ ኦሚክሮን፡ እስራኤል፡ ን 14 መዓልታት ወጻእተኛታት ናብታ ሃገር ከይኣትዉ ክትእግድ እያ።

ብዘይካ’ዚ፡ እቲ ቫይረስ ናብ እስራኤል ከይኣቱ፡ ናይ ኮለላ ስርሒት ከተካይድ እያ ተባሂሉ’ሎ። እዚ እገዳ፡ ብካቢነ እታ ሃገር ብምሉእ ድምጺ ምስ ጸደቐ ካብ ዝቕጽል ሰንበት ኣትሒዙ ተግባራዊ ክኸውን እዩ ዝብል ትጽቢት ኣሎ። ኣብ እስራኤል፡ ዛጊት ሓደ ሰብ በዚ ሓደገኛ ለበዳ ጅር ኦሚክሮን፡ ተለኺፉ ምህላዉ ጸብጻብ ቢቢሲ የመልክት። ብርክት ዝበላ ሃገራት፡ ንደቡብ ኣፍሪቃ ሓዊስካ ካብን ናብን ሃገራት ደቡባዊ ኣፍሪቃ ዝግበር መገሻታት ኣጊደን ምህላወን ዝፍለጥ እዩ።