ንዕለት 24 ን 25 መስከረም ኣብ ከተማ ብራስለስ፡ ቤልጁም፡ ንኽካየድ ተመዲቡ ዝነበረ ኣኼባ ኤውሮፓዊ ሕብረት፡ ብሰንኪ ስግኣት ለበዳ ኮሮና ንዕለት 2 ን 3 ጥቅምቲ ከምተሰጋገረ ተሓቢሩ። እዚ ዝኾነሉ ምኽንያት፡ ኣቦወንበር ቤት ምኽሪ ኤውሮፓዊ ሕብረት፡ ቻርለስ ሚሸል፡ ብኮሮና ተለኺፉ ንኸይከውን ብምስጋእ ተወሺቡ ብምህላዉ እዩ።
ኣብ ዝሓለፈ ሰሙን፡ ምስ ሓደ ናይ ጸጥታ ሓላፊ፡ ብምኽንያት ስራሕ ክንራኸብ ቀኒና። እቲ ናይ ጸጥታ ሓላፉ፡ ብኮሮና ከምተለኽፈ ድማ ድሒሩ ፈሊጡ። ኣነ ድማ ከምቲ ጥዕናዊ መምርሒታት ቤልጁም ዝሕብሮ፡ መስርሕ ውሸባ ከካይድ ተገዲደ ኣለኹ ኢሉ፡ ቻርለስ፡ ከምዝሓበረ ወሃብ ቃሉ ዝኾነ ባሪን ሊትስ ኣብ ገጻት ትዊተር ዘርጊሑ።
ክሳብ ሕጂ እዋን፡ ቻርለስ፡ ብኮሮና ምልካፉ ከምዘይተረጋገጸ ድማ ገሊጹ።
