ግብጻውያን ፎርኦናት ናብ ነቓብር ዝስነዩሉ ኣገባብ ዘርኢ ትያትራዊ ሰልፊ ኣብ ካይሮ ኣካዪዶም። እዚ ንኽዳሎ ሚልዮናት ዶላራት ከም ዝወድአ እተነግረሉ ሰልፊ ናይ 18 ነጋውስን 4 ደቀስትዮ ነጋውስን ዕቊብ ሬሳታት ሒዙ ናብቲ ሓሙሽተ ኪሎሜትር ዝርሕቀቱ ሓድሽ ሚዝዬም ካይሮ ከም ዘምርሐ ተገሊጹ። እዚ ሰልፊ መሰነይታ ማሚስ ብ ጥንታዊ ኣልባሳትን ድሙቕ ኣገባብን ከመሰረት ዕድመ ስልጣኖም ናብቲ–ሓለዋ ወርቃዊ ፎሮናት ዝተሰምየ ሓድሽ ሚዝዬም ክዓርፉ ተጌሮም ኣለዉ። ኣብ ግብጺ ዝሓለፈ ዓመት ልዑል መልከፍቲ ኮቪድ-19 ከም ዝነበረ ዝፍለጥ ኮይኑ ኣብዚ ሕጂ እዋን ምስ ምንቊልቋል እዚ መልከፍቲ ኣብ ምእካብ ተነቢሩ ዝነበረ እገዳ ተላዒሉ ኣሎ። ኣብዚ ጽንብል ብፍላይ ኣገባብ መሰነይታ ፎርኦን ራምሴስን ንግስቲ ሃትሸፕሱትን ኣዝዩ ማራኺ ምንባሩ ተገሊጹ።
