ኣብ ትግራይ ዘለዋ ትካላት ረድኤት፡ ስርሐን ደው የብላ

ብመጥቃዕቲ ድሮን ዓሰርተታት ሰላማውያን ሰባት ድሕሪ ምሟቶም ኣብ ክልል ትግራይ ዝዓያ ዝነበራ ትካላት ረድኤት ስርሐን ደው ምባለን UN ኣፍሊጡ።

ብሰንኪቲ ብመንግስቲ ኢትዮጵያ ዝካየድ ዘሎ መጥቃዕቲ ድሮን ንጥፈቶም ደው ኸብሉ ከም እተገደዱ ወኪል ሰብኣዊ ረድኤት UN ኦቻ ኣፍሊጡ’ሎ።

ብሰንኪቲ ኣብ ልዕሊ ካብ መንበሪኦም ተፈናቒሎም ዝነበሩ ተጋሩ ዕላማ ዝገበረ መጥቃዕቲ ድሮን፡ 56 ሰባት ምሟቶምን ካልኦት ብዓሰርተታት ዝቚጸሩ ድማ ኣካላዊ መጒዳእቲ ከም ዝወረዶምን እቲ ጸብጻብ ወሲኹ ኣመልኪቱ። እዚ ዝኸውን ዘሎ፡ ኣፈኛ ህወሓት ጌታቸው ረዳ ኤርትራ ኣብ ልዕሊ ሰራዊት ትግራይ ሓድሽ መጥቃዕቲ ምጅማራ ኣብ ዝገልጸሉ ዘሎ እዋን እዩ። መንግስቲ ኤርትራ ነቲ ክሲ ዛጊት መልሲ ኣይሃበሉን። ሓይልታት ኢትዮጵያ፥ ኤርትራን ሚሊሻ ክልል ኣምሓራን ኣንጻር ትግራይ ክዋግኡ ምጽንሖም፥ በዚ ድማ ኣሽሓት ሰባት ምሟቶምን ጸብጻባት የመልክቱ።