ኣብ ሽወደን ብዛዕባ ቀረብ መግቢ ዝኾነ ዘሻቕል ነገር ከምዘየለ ይሕበር።

ሚኒስትሪ ገጠራዊ ጒዳያት ጄኒ ኔልሰን ሽወደን ሕጽረት መግቢ ከም ዘይብላን ምስ ጒዳይ ምልባዕ ቫይረስ ኮሮና ብምትሕሓዝ ዝውረ ዘሎ ሻቕላ ቀረብ መግቢ መሰረት ኣልቦ ምዃኑን ኣመልኪታ። ንሳ ሎሚ ምስ ተወከልቲ ኢንዱስትሪ መግቢ ተራኺባ ኣብ እዋን ቅልውላው ብዛዕባ ዝህሉ ቀረብ መግቢ ምዝታያ ተመልኪቱ። እዚ ኣኼባ ብከም Ica, axfood ከምኡ’ውን Coop ተወከልቲ ዓበይቲ ናይ መግቢ ኣቅረብቲ ትካላት ዝተሳተፍዎ ምንባሩ ድማ ተፈሊጡ።

እታ ሚኒስተር ሽወደን እዂል ቀረብ መግቢ ስለዘለዋ ምንም ዘሻቕል ኣብነት ከም ዘየለ ኣስሚራትሉ’ላ። ስለዚ ድማ ዜጋታት መግቢ ክሰኣን እዩ ዝብል ስግኣት ክኣትዎም ከም ዘይግባእን ሽግር ምስ ዘጋጥም ኣቐዲሞም ናይ ክልተ ሰሙን ሸመታ ክገብሩ ክሕበሩ ምዃኖምን ገሊጻ’ላ። ሽወደን ምስ ሕማም ቫይረስ ኮሮና ክስዕቡ ዝኽእሉ ቅልውላዋት ንምምካት ዘድሊ ዘበለ ምድላዋት ጌራ ምህላዋ ድማ ገሊጻ’ላ።