ኣብ ከተማ ስቶክሆሎም: ካብ ወርሒ መጋቢት 2020 ክሳብ ወርሒ መጋቢት 2021 ኣብ ዝነበረ እዋን: ዝተኻየደ መጽናዕታዊ ጸብጻብ ከምዝሕብሮ: እቶም ኣብ ትሑት ቁጠባዊ ዓቅሚ ዘለዎም ከባቢታት ወይ ድማ ሳንኩፍ ከባቢታትን ተባሂሎም ኣብ ዝጽውዑ ከባቢታት ዝቅመጡ ነበርቲ: ብናብ ሞት ዘኸትል ከቢድ ሕማም ኮቪድ 19 ከምዝጥቅዑ እቲ ጸብጻብ ሓቢሩ ክብል ማዕከን ዘና ተተ ኣቃሊሑ::
ትሑት ቁጠባዊ ዓቅሚ: እቲ እንኮ ምኽንያት ከምዘይኮነ ዝገለጸ እቲ ጸብጻብ: ኣብ ምክትታልን ምትግባርን መምርሒታት በዓል መዚ ጥዕና ውን ጉድለታት ከምዝነበረ ኣብሪሁ::
ኣብዘን ከባቢታት ዝቅመጡ ነበርቲ: ብሰንኪ ሕማም ኮቪድ 19 ዘጋጥሞም መጠን ሞት: ዕጽፊ ናይቶም ኣብ ካልእ ከባቢታት ዝነብሩ ከምዝኾነ እቲ ጸብጻብ ብተወሳኺ ሓቢሩ።
