ኣብ መጀመርታ እዚ ዓመት ዋጋ ሪልእስቴት ገለ ምውሳኽ ከም ዘመዝገበ ተገሊጹ።

ኣብ ፈለማ ወርሒ እዚ ሒዝናዮ ዘሎና ዓመት ዕዳጋ ኣባይቲ ሽወደን ሒደት ምውሳኽ ምርኣዩ ተገሊጹ። ኣብ መወዳእታ ዝተፋነናያ ዓመት ምርግጋእ ኣርእዩ ምንባሩ ድማ ተዘኪሩ። ሪል እስቴት ኣብ ማእከላይ ስቶክሆልምን ማልምን 2% ወሰኽ ዋጋ ከም ዘመዝገበ ድማ ናይ ወርሒ ጥሪ ጸብጻብ ስታቲስቲክስ ኣመልኪቱ’ሎ። ወርሒ ጥሪ ምስ ዝሓለፈ ዓመት ብምንጽጻር ኣብ ድላላን ሸመታን ሪል እስቴት ናይ 10 ሚእታዊት ምጒዳል ከም ዘርኣየ፥ ብፍላይ ድማ ኣብ ቦስታድስራተር መሸጣ ኣባይቲ እዚ ጐሊሑ ከም እተራእየ ተሓቢሩ።

ቦስታድስራተር ሓደ ሰብ ቤቱ ዝውንን ኰይኑ ቤቱ እተሃንጸሉ መሬት ግና ዘይውንነሉ ኣገባብ እዩ። ኣብ ከተማታት ሽወደን ብሓፈሻ ዋጋ ቦስታድስራተርን ቪላን ካብ ዓመት ናብ ዓመት 6% ወሰኽ ዋጋ ከርኢ ምጽንሑ ተገሊጹ’ሎ።