ትማሊ፡ ሰዓት 8፡45 ምሸት፡ ኣብ ደቡባዊ ሸነኽ ስቶክሆሎም ዝርከብ፡ ሮግስቬድ (Rågsved) ዝተባህለ ኣከባቢ፡ ዘይተፈልጡ ሰባት፡ ንሓንቲ ጓል 12 ዓመት ቆልዓ፡ ብጭካነ ከም ዝተጋሰሱዋ ጋዜጣ ኣፍቶንብላደት ሓቢሩ።
ቤተ ሰብ ናይታ ግዳይ ዝኾነት ቆልዓ፡ ናብ ፖሊስ ደዊሉ ከምዝሓበረን እታ ቆልዓ ድማ ናብ ሆስፒታል ከምተወስደትን ኣብ ርእሳ ሓደገኛ ዘይኮነ ማህረምቲ ከምዘጋጠማን ወሃቢት ቃል ፖሊስ ስቶክሆሎም፡ ካሪና ሻገርሊንድ፡ ኣፍሊጣ።
ኣብቲ ናይ ፍጻሜ ኣከባቢ፡ ተክኒካዊ መርመራታት ከምዝተኻየደ፡ ብኣኽላባት ተሓጊዞም ፈተሻ ከምዘካየዱን ኣብቲ ከባቢ ዘለዋ ካሜራታት ውን ተራእየን። እንተኾነ ግን ንጹር ዝኾነ ሓበሬታ ከምዘይተረኽበ ሻገርሊንድ ገሊጻ።
