ኣሌክ ባልድዊን ብሸለልትነት ክሲ ቀሪብሉ

ህቡብ ተዋሳኣይ ኣሌክ ባልድዊን ኣብ እዋን ምልምማድ ፊልም ናብ ዳይረክተር ፊልም ሃሊና ሃትቺንስ ናይ ሓቂ ጥይት ዝኾለሰት ብረት ተኩሱ ብምቕታሉ ኣብ ቀረባ እዋን ኣብ ሆሊዉድ ዘጋጠመ ትራጀዲ ኮይኑ’ሎ። እቲ ፍጻመ ብጌጋ ከም ዘጋጠመ ክግለጽ እኳ እንተጸንሐ ኣብቲ ጽሑፍ ፊልም ባልድዊን ብረት ክሕዝ ከም ዘለዎ ዘመልክት ብዘይምህላዉ ኣኽባር ሕጊ ብሸለልትነት ከሲስዎ ኣሎ።

መማዪት ጽሑፍ ፊልም ዝኾነት ማይሚ ሚቸል እያ ብፖሊስ ብዛዕባ እዚ ፍሉይ ኲነታት ጥቆማ ሂባ። ባልድዊን እታ ብረት ጥይት ኮሊሳ ምንባራ ኣብ ክንዲ ምርግጋጽ ብሸለልትነት ብምትኳሱ ከሲስዎ’ሎ።

ባልድዊንን ኣፍራዪ እታ ፊልምን ብዛዕባዚ ጒዳይ ርእይቶ ካብ ምሃብ ተቘጢቦም ኣለዉ።