ኡልፍ ክሪስተርሰን፡ “ጸገም ገበን ንምፍታሕ ናይ ዴንማርክ ሞዴል ክንጥቀም ኣሎና”።

ሽወደን ሓፈሻዊ ምርጫ ከተካይድ ሓደ ወርሒ ጥራይ ተሪፉዋ ኣብ ዘለወሉ እዋን፡ ጒዳይ ገበን ኣቓልቦ ክወሃቦ ዝግባእ ኣገዳሲ ብድሆ ምዃኑ፡ መራሒ ሰልፊ ሞደራትና ኡልፍ ክሪስተርሰን ኣተሓሳሲቡ።

ዝዓበየ ተወዳዳሪ መንግስቲ ምዃኑ ዝንገረሉ ሰልፊ ዓቃባዊ-ሞደራትና፡ ገበን ንምክልኻል ጽንክር ዝበሉ ዝተዋደዱ ስጒምቲታት ክውሰዱ ከም ዘለዎም ገሊጹ’ሎ። ሓደ ካብዚ ክሪስተርሰን ዘቕረቦ ስጒምቲታት፡ ንውሕ ዝበለ ማእሰርቲ ፈጸምቲ ገበን እዩ።

“ኣብ ሽወደን ዘሎ ጸገም ገበን ንምፍታሕ፡ ናይ ደንማርክ ሞዴል ምኽታል ከድልየና እዩ ዝብል እምነት ኣሎኒ። በዚ ዘሎና ኣገባብ ኣብ ሽወደን ንዘሎ ከቢድ ጸገም ገበን ክንፈትሖ ኣይንኽእልን ኢና” ኢሉ’ሎ–ክሪስተርሰን።