ትካላት ፋሽን ሃገራት ኖርዲክ ምስ ቻይናዊ ኣቕራቢ ዞባ ዢንዢያንግ ክሰርሓ ምጽንሐን ተፈሊጡ።

መሸጣ ክዳውንቲ ፋሽን ሃገራት ኖርዲክ፡ ኣብ ዞባ ዢያንዢንግ ምስ ዝርከብ ቻይናዊ ኣቕራቢ ብድጎማ ክሰርሑ ምጽንሖም
ተፈሊጡ። ኣብዚ ዞባ ገዚፍ ምግሃስ ሰብኣዊ መሰላት ምህላዉ ብቤት ጽሕፈት ሰብኣዊ መሰላት ውድብ ሕቡራት ሃገራት ክሲ
ክቐርብ ምጽንሑ ሬድዮ ሽወደን ዘካየደቶ ዳህሳስ ኣመልኪቱ። ምስዚ ቻይናዊ ኣቕራቢ ዓለባ–“ያንግሱ ሊያንፋ”–ዝሰርሓ ዘለዋ
ሽወደናዊት መሸጣ ክዳውንቲ “ሊንዴክስ”፡ ከምኡ’ውን ኖርዌጃዊ ትካል ኣከፋፈሊ ክዳውንቲ “ቫርነር” እየን።
ትካል “ያንግሱ ሊያንፋ” ምስ ኣህጒራዊ ብቅዓታት ብምስምማዕ ከም ዝሰርሕን ን ዓማዊል ዝምልከቱ ገምጋምን ኦዲትን ክገብር
እውን ድሉው ምዃኑን እኳ እንተገለጸ፡ ሊንዴክስ ቫርነርን ምስቲ ቻይናዊ ትካል ምስራሕ ከቋርጻ ምዃነን ገሊጽን ኣለዋ።