ቀዳማይ ሚኒስተር ሽወደን ነበር፡ ስተፋን ሎቭን፡ ዝሓለፈ ዓርቢ፡ ናይ ኣገልግሎት ክፍሊት መሕተቲ ምልክታ፡ ናብ ቦርድ ደሞዝ ሃገራዊ ባይቶ ሽወደን ከም ዘእተወ ዳገንስ ኢንዳስትሪ ዝተባህለ ጋዜጣ ሓቢሩ ክብል ማዕከን ዜና ተተ ሓቢሩ።
ንሎቬን ክበጽሖ ዝኽእል ናይ ኣገልግሎት ክፍሊት፡ ክሳብ 2.16 ሚልዮን ክሩነር ክበጽሕ ከምዝኽእል ይፍለጥ።
ሚኒስተር ሲቪላዊ ጉዳያት ሽወደን ዝነበረት፡ ሊና ሚኮ፡ ከምኡ ውን ሚኒስተር ቁጠባዊ ጉዳያት ሽወደን ዝነበረ፡ ኢብራሂም ባይላን፡ ክልቲኦም ምስ ሎቬን ካብ መንግስቲ ድሕሪ ምእላዮም፡ ነፍሲ ወከፎም፡ ክሳብ 1.68 ሚልዮን ክሩነር፡ ናይ ኣገልግሎት ክፍሊት ክረኽቡ ምዃኖም ተፈሊጡ ኣሎ።
መጠን ናይ ኣገልግሎት ክፍሊት፡ ብመሰረት ዓመታዊ ክፍሊት ደሞዝ ምርኩስ ብምግባር ዝወሃብ ምዃኑ፡ ጻሓፊት ቦርድ ደሞዝ ሃገራዊ ባይቶ ሽወደን፡ ሰሲልያ ቦህሊን፡ ነታ ጋዜጣ ገሊጻ።
