“ሰፊሕ ክፋል ሰራዊት ሽወደን ንኔቶ ክቐርብ እዩ”–ሚኒስተር ሽወደን።

ኣብ ኣህጒር ኣውሮጳ ሰፊሕ ግጭት ይረኣየሉ ኣብ ዘሎ ኣብዚ ሕጂ እዋን፥ ሽወደን ገዚፍ ክፋል ካብ ሰራዊታ ብቐጥታ ብኔቶ ክእዘዝ
ንምፍቃድ ድልውቲ ምህላዋ ሚኒስተር ምክልኻል ሽወደን ፓል ጆንሰን ገሊጹ። ሰራዊት ሽወደን ብኔቶ ንኽእዘዝ ድሉው ምግባር
ሽወደን ኣብቲ ውድብ ዘለዋ መትከላዊ ደገፍ ዘደልድል እዩ ክብል ጆንሰን ወሲኹ ሓቢሩ። ኣባል ሃገራት ዝተፈላለየ መጠን ሰራዊት
ናብ ኔቶ ክፉት ከም ዝገበራ ዝገለጸ ጆንሰን፡ ሸወደን ግና ብዝሕ ዝበለ መጠን ከተበርክት ድልውቲ ከም ዘላ ኣመልኪቱ’ሎ።

ሽወደን ናብ ኔቶ ዘእተወቶ ሕቶ ኣባልነት ንኽጸድቕ፥ ብኡቢሉ’ውን ኔቶ ወተሃደራዊ ሓይሊ ሽወደን ንኽጥቀም ገና ናይ ሃንጋሪን
ቱርኪን ፍቓድ ከም ዘይረኸበ ዝፍለጥ እዩ።