ሰልፊ ዴሞክራሲ ሽወደን ኣብ ልዕሊ ገበነኛታት ዝጸንከረ መቕጻዕቲ ክብየን ጸዊዑ።

መራሒ ሰልፊ ዴሞክራሲ ሽወደን ጂሚ ኦኪሶን ኣብ ዓመታዊ ቅነ ፖለቲካ ክሳተፍ እኳ እንተዘይመረጸ፡ ሬድዮ ሽወደን ምስ ኣፈኛ እቲ ሰልፊ ኣብ ጒዳይ ስደተኛታት ሉድቪግ ኣስፕሊግ ኣብ ዝገበረቶ ቃለመጠይቕ ኣብ ልዕሊ ገበነኛታት ብፍላይ ድማ መንእሰያት ዝጸንከረ መቕጻዕቲ ክብየን ድሌት ከም ዘለዎም ገሊጾም ኣለዉ። እዞም ገበነኛታት ዝግባእ መቕጻዕቲ ይወሃቦም ብዘይምህላዉ ገበን ፈጺሞም ከምልጡ ከም ዝኻሉ ጌሮም ንነብሶም ክሓስቡ ይገብሮም ምህላዉ እውን ኣስፕሊን ገሊጹ። ብዛዕባ ገበንን ኣብ ገለ ከባቢታት ሽወደን ዝረአ ንውሕ ዝበለ ሽቕለት ኣልቦነት ኣመልኪቱ ኣብ ዝሃቦ ኣብ ክንዲ ሓገዛት መንግስቲ ምጽባይ ስራሕ ዝለዓለ ረብሓ ከም ዘለዎ እዂል ኣፍልጦ ከም ዝህሉ ምግባር ሓደ ኣገባብ እዩ ክብል ሓቢሩ’ሎ።