ማልሞ፡ ጻዕቂ ማእከላት መአረሚ ስድራቤት ከይበጽሑ ሽግር ኮይኑ’ሎ ተባሂሉ።

ቅድሚ ፍርዲ እሱራት ዝጸንሑሎም መደበራት መአረምታ ደቡብ ሽወደን፡ ጻዕቂ ሰባት ስለዘለዎም እሱራት ምስ ስድራቤቶም ክራኸቡ ይሽግሩ ምህላዎም ሬድዮ ሽወደን ገሊጻ። እዚ ዝኾነሉ ምኽንያት፡ እሱራት ማልሞ ኣብ ሰለስተ ካብተን ሽዱሽተ ናይ መብጽሒ ሳጹናት ይነብሩ ብምህላዎም፡ እተን 139 ሼላታት ድማ ንዂሎም እሱራት ክሕዛ ዓቕሚ ስለዘይብለንን እዩ ተባሂሉ’ሎ። ምስ ጠብቓታት ዝግበሩ ምብጻሓት ኲልሳዕ ክፍቀዱ፡ እንተኾነ ግና ኣዝማድ እቲ ቤት ማእሰርቲ ግቡእ እዩ ኢሉ እንተሓሲብዎ ጥራይ ምብጻሕ ክፍጽሙ ምጽንሖም፡ እዚ’ውን ክተዳልዎ መዓልታትን ሳምንታትትን ክወስድ ምጽንሑ ተገሊጹ።