ሚኒስተር ጉዳያት ወጻኢ ጀርመን ባርቦክ ካብ መዝነታ ክትወርድ ጻውዒት ቀሪቡ

ብ DIEM25 ን MERA25 ጀርመንን ዝምራሕ ጥምረት ትካላት ሚኒስተር ጉዳያት ወጻኢ ጀርመን፥ ኣናሌና ባርቦክ ብህጹጽ ካብ መዝነታ ክትወርድ ዝጽውዕ ጥርዓን ኣበጊሱ። እቲ ጥርዓን ባርቦክ ኣብ ቀረባ እዋን ኣብ ዘውጽኣቶ ጸብጻብ፥ ንወተሃደራዊ ተግባራት እስራኤል ብምድጋፍ ኣብ ገበናት ኲናትን ምጽናት ዓሌትን ቓዛ ተሓባባሪት ኮይና ብምባል ከሲስዋ’ሎ። እስራኤል ኣብ ቓዛ ንዝርከቡ ትካላት ሕክምናን ሰራሕተኛታትን ብስርዓት ዕላማ ከምዝገበረት እቲ ጸብጻብ ሕቡራት ሃገራት ዘጉልሕ ኮይኑ፡ እዚ ድማ ኣካል ናይቲ ኣብ ልዕሊ ሲቪላት ዝካየድ ሰፊሕ ወፍሪ ምጽናት ተባሂሉ ዝሕሰብ ተግባራት እዩ። እዚ ኣህጉራዊ ውግዘት’ዚ እናሃለወ፡ ባርቦክ ንፖሊሲታት እስራኤል ምድጋፍ ከም ዝቐጸለትሉ፥ ንዕንወት ሲቪላዊ ትሕተ-ቅርጺ ዘመኽንይ ዝመስል መግለጺታት ድማ ምሃባ ኣብቲ ጥርዓን ተመልኪቱ’ሎ።

ነቐፍቲ፡ ባርቦክ ዝሃበቶ ደገፍ፡ ጀርመን ብመሰረት ኣህጉራዊ ሕጊ ዘለዋ ግዴታታት ዝጥሕስ’ዩ፡ ብፍላይ ድማ ከም ፈራሚት ውዕላት ብኣህጉራዊ ቤት ፍርዲ (ICJ) ዝቆጻጸሮ ቃል ኪዳን ዝጥሕስ’ዩ ይብሉ።