መጽናዕቲ . . . ፍረታትን ኣሕምልትን ንምዝካር ከምዝሕግዙ ተሓቢሩ

ኣሜሪካውያን ተመራመርቲ፡ ዕድሚኦም ልዕሊ 50 ዓመት ዝኾኑ 50 ሽሕ ደቂ ኣንስትዮን 30 ሽሕ ደቂ ተባዕትዮን ንልዕሊ 20 ዓመታት መጽናዕቲ ከካይድሎም ጸኒሖም። ኣብቲ ዳህሳስ፡ እቶም ተሳተፍቲ እቲ መጽናዕቲ፡ ብዛዕባ ኣገባብ ኣመጋግበኦምን ናይ ምዝካር ዓቕሞምን ብዝምልከት ንዝቐረበሎም ሕቶታት፡ ከም ዝምልሱ ተገይሮም ኣለዉ።

ብመሰረት እቲ መጽናዕቲ፡ እቶም መዓልታዊ ፍረታትን ኣሕምልትን ዝምገቡ ሰባት፡ ካብቶም ዘይምገቡ ሰባት፡ ብ20% ዝተሓተ፡ ናይ ምሕሳብ ጸገማት ከምዘጋጥሞም ሓቢሩ። እቲ ቀንዲ ምንጪ ናይዚ ድማ እቲ ፍላቮኖይድስ (flavonoids) ዝተባህለ ኣብ ሜሌታት፡ ኣራንሺ፡ ስትሮቤሪ፡ ብሉቤሪ፡ ሰለሪን ጉዕበርበረን ዝርከብ ባእታ ምዃኑ፡ ጸብጻባት ናይቲ መጽናዕቲ ገሊጾም።