ህንዲ . . . ብመንደርጋሕ፡ ክልተ ሰባት ይሞቱ

ኣብ ህንዲ፡ ክልል ሂማሻል ፕራደሽ፡ ብዘጋጠመ ምንሽርታት ምድሪን ምውዳቕ መንደራጋሕን፡ ብውሕዱ፡ ክልተ ሰባት ክሞቱ እንከለዉ፡ ዓሰርተታት ዝኾኑ ድማ ብ ፍርስራስ ኣእማን ተጸቒጦም ኣለዉ። ካብ ጎቦ ብዝወረደ ዓበይቲ ኣእማን ንሓንቲ ኣውቶቡስ ምሉእ ብምሉእ ከም ዝሸፈና መሰኻኽር ዓይኒ ገሊጾም ኣለዉ። ፖሊስ እቲ ከባቢ ናይ መድሕን ስራሕ ጀሚሮም ምህላዎም ን ሰብመዚ ፖሊስ ብምጥቃስ ጸብጻብ ቢቢሲ ኣመልኪቱ።

ኣብ ህንዲ ካብ ቀረባ ኣዋርሕ ኣትሒዙ ኣብ ገለ ከባቢታት ምንሽርታት ምድሪን መንደራጋሕን ከም ዘጋጥም ጸብጻባት የመልክቱ። እዚ መንደራጋሕ ስለምንታይ ይኽሰት ምህላዉ ዛጊት ዝተዋህበ ንጹር ሓበሬታ የለን።