ግጥማት ኩዕሶ እግሪ ሽወደን ማለት ኣልስቫኒስካ ናይ ውድድር ግዚኡ ንምዝዛብ ክለባት ከክልተ ጸወታ ተሪፍወን ኣብዘሎ እዋን ብ ኤርትራዊ ሽወደናዊ ትምራሕ ክለብ ኣይኮ ትማሊ ምሽት እዚ ተጻዋታይ 4 ሽቶታት ብሽሙ ብምምዝጋብን ሓንቲ ኣብዝቀረበሉን፣ ክለቡ ን ፋልኮንበሪይ 5 ብ 1 ብምስዓር ምስ ክለባት ሃማርቢ፣ ማልሞን ሓንቲ ጸወታ ተረፍ ዘለዋ ዮርድጎርደን ብማዕረ 59 ነጥቢ ዘውዲ ሻምፒዮን ሽወደን ንምድፋእ ትመጣጠር።
ክለብ ኣይኮ ናይ ዓቢ ክብራ ንምዕቃብ፣ ኣብዚ ንመላእ ኣፍቃሪ ኩዑሶ እግሪ ብሃንቆውታ ስሒቡ ዘሎ ጸወታ መን ናይዚ ዓመት ተዓዋቲ ትኾውን ልቢ ቡዙሓት ኣንጠልጢሉ ይርከብ። ዝሓሸ ዕድል ዘለዋ ክልብ ዮርድጎርደን ሎሚ ምሸት ምስ ዮተበሪ ተካይዶ ጸወታ ምስትዕወት ወይ ማዕረ ምስትፈላለ ብ 62 ወይ 60 ነጥቢ ዝሓሸ ዕድል ሒዛ ነተን ዝስዕባ ውድድር ከተቓምት እያ።
